Bright Future

Usay Khone Se Darta Tha
Bohat Rone Se Darta Tha
Phir Ek Din Ye Samajh Aaya
Ke Roya Un Ko Jata Hai
Bichre Jo Muqaddar Se
Ke Khoya Unko Jata Hai
Jo Hasil Hon Muyassar Hon
Jo Danista Bichar Jaye
Usay Roya nahi Karte
Jisay Paaya Nahi Ab Tak
Usay Khoya Nahi Karte

Sumandar Mein Utarta Hoon Tou Aankhen Bheeg Jaati Hain
Teri Aankhon Ko Parhta Hoon Tou Aankhen Bheeg Jaati Hain

Tumhara Naam Likhne Ki Ijazat Chhin Gayi Jab Se
Koi Bhi Lafz Likhta Hoon Tou Aankhen Bheeg Jaati Hain

Teri Yaadon Ki Khushbu Khirkiyon Mein Raqs Karti hay
Tere Gham Mein Sulagta Hoon Tou Aankhen Bheeg Jaati Hain

Main Hans K Jheel Leta Hoon Judai Ki Sabhi Rasmein
Gale Jab Uss K Lagta Hoon Tou Aankhen Bheeg Jaati Hain

Na Jane Ho Gaya Hoon Iss Qadar Hassas Main Kab Se
Kisi Se Baat Karta Hoon Tou Aankhen Bheeg Jaati Hain

Wo Sub Guzre Hue Lamhat Mujh Ko YaadAate Hain
Tumhare Khat Jo Parhta Hoon Tou Aankhen Bheeg Jaati Hain

Main Saara Din Bahot Masroof Rehta Hoon MagarJunhi
Qadam Choukhat Pe Rakhta Hoon Tou aankhen Bheeg Jaati Hain

Bare Logon K Oonche Badnuma Aur Sard Mahlon Ko
Ghareeb Aankhon Se Takta Hoon Tou Aankhen Bheeg Jaati Hain



Tere Kooche Se Ab Mera Ta’alluq Wajbi Sa Hay
Magar Jab Bhi Guzarta Hoon Tou Aankhen Bheeg Jaati Hain

Hazaron Mausamon Ki Hukmarani Hay Mere Dil Per
Wasi Main Jab Bhi Hansta Hoon Tou Aankhen Bheeg Jaati Hain

Kabhi Khamosh betho Gay
Kabhi Kuch Gungunao Gay
Mai Utna Yaad Aaongi Mujhe Jitna Bhulao Gay
Koi Jab Poch Bethega Khamoshi Ka Sabab Tumse
Bohat Samjhana Chaho Gay Magar Samjha Na Pao gay
Kabhi Dunya Mukammal Ban Ke Ayegi Nigahon Mai
Kabhi Meri Kami Dunya Ki Har Shay Mai Pao Gay
Kahin Par Bhi Rahen Hum Aur Tum Muhabbat Phir Muhabbat Hai
Hum Utna Yaad Ayengay Hame Jitna Bhulao Gay
Kabhi Khamosh betho Gay
Kabhi Kuch Gungunao Gay

Torr Dalen Qalam To Behtar Hai
Na Likhen Raaz e Ghum To Behtar Hai
Yun Bhi hum Ko Na Choregi Dunya
Ap Karlen Sitam To Behtar Hai
Kufar hai Hum Unhe Chahen
Log Poje Sanam To Behtar Hai
Ishq Marta To Kam Hi Lekin
Ishq Maare Bhi Kam To Behtar Hai
Daad Milti Hai Wo Sune Na Sune
Aake Zair o Bam To Behtar Hai
Na Karo Tauba Dil Dukhane Se
Ab Na Tote Qasam To Behtar Hai
Dil Ka Qissa Wohi Qadeemi Hai
Na Suno Mohtram To Behtar Hai
Torr Dalen Qalam To Behtar Hai
Na Likhen Raaz e Ghum To Behtar Hai

Aaj Hum Tumko Chalo Saf Bata Dete Hain
Dil e Gustakh Ka Har Raaz Suna Dete Hain
Shiddat e Dard Ne Mujhe Kya Se Kya Bana Diya
Halat e Zar Tumko Bhi Suna Dete Hain
Khamosh Darya Ki Tarah Behti Rehti Hon
Bewaja Ghum Ke Tufaan Mujhe Saza Kyun Dete Hain
Ankhen Ashkon Se Barh Jayen To
Selaab Ashk Mai Sab Shikayat Baha Dete Hain
Ek Raaz Chupa Hai To Chupa Rehne Do
Unke Samne Hum Siskiyun Mai Bhi Muskura Dete Hain
Aaj Hum Tumko Chalo Saf Bata Dete Hain
Dil e Gustakh Ka Har Raaz Suna Dete Hain

Umer Se Rattjaga Nahi Jata
Khawab Ka Silsila Nahi Jata
Gark Hon Ek Hi Baar Is Ghum Mai
Thora Thora Mara Nahi Jata
Chal Nikalta Hon Be Khayali Mai
Jis Taraf Rasta Nahi Jata
Phir Wo Ghum Ankh Se Tapakta Hai
Jo Zuban Se Kaha Nahi Jata
Itna Masroof Hon Muhabbat Mai
Aur Kuch Bhi Kiya Nahi Jata
Admi Jitni Bhi Ozar Karle
Rog Is Hijar Ka Nahi Jata
Tegh Ke Waar Bhi Mai Seh Lon Mohsin
Talkh Lehja Magar Saha Nahi jata